Një aksident ka ndodhur ditën e sotme në kufirin greko-shqiptar. Mësohet se një automjet ka dalë nga rruga në Asproklisi, Igumenicë dhe më pas është braktisur.
Ndërkohë, burime për mediat bëjnë me dije se në bagazhin e mjetit policia greke ka gjetur dhe sekuestruar 77 pako me 94 kg 450 gram marijuanë.
Menjëherë ka nisur kontrolli i zonës, duke përdorur edhe qenin e anti-drogës. Ndërsa pas pak orësh është konstatuar një grek që ecte në këmbë në vendin e quajtur Rajo, i cili rezultoi se ishte drejtuesi i mjetit.
Ky person, është arrestuar dhe gjatë kontrolli i janë gjetur 0.2 gram kokainë dhe 300 euro./GazetaAtdheu.com/