Policia e Fierit ka arrestuar ditën e sotme një 56-vjeçar me iniciale P. L. pasi ky i fundit aksidentoi një të moshuar në aksin rrugor ‘Levan-Fier’, i cili më pas ndërroi jetë në spital nga plagët e marra.
Raportohet se aksidenti ndodhi rreth orës 13:30 ditën e sotme teksa shtetasi me inicialet P. L., që drejtonte automjetin e tij tip Toyota aksidentoi 92-vjeçarin Mystahak Hoxha, i cili ndërroi jetë në spitalin e Fierit disa orë më pas.ADVERTISING
Sakaq, materialet do i kalojnë Prokurorisë, për veprime të mëtejshme procedurale.
Njoftimi i policisë:
Fier
Specialistët e Sektorit të Qarkullimit Rrugor të DVP Fier bënë arrestimin e shtetasit P. L., 56 vjeç, banues në Fier, pasi rreth orës 13:30, në aksin rrugor “Fier-Levan”, automjeti tip “Toyota” me drejtues shtetasin P. L. ka aksidentuar këmbësorin, shtetasin M. H., 92 vjeç, banues në Zhupan, i cili pas disa orësh ndërroi jetë në spitalin e Fierit.
Materialet do i kalojnë Prokurorisë, për veprime të mëtjeshme procedurale.
