Salvatore Dodda:
ALARM!!!
Të dashur miq,
Duke përfituar nga stina politikisht erotike që po kalon me opozitën e Lulzim Bashës, qeveria ka paraqitur sot propozimin për ndryshime në Kodin e Familjes; më konkretisht këtu, për ndryshime në lidhje me të drejtën për të birësuar. Përmes këtij propozimi, monstrat e qeverisë po u hapin rrugën për të birësuar fëmijë jo vetëm bashkëjetuesve të kategorive të LGBTQ (ç’ndodh me fëmijën, kur bashkëjetuesit i japin fund bashkëjetesës së tyre?), por edhe pedofilëve dhe, mbi të gjitha, trafikantëve të qenieve njerëzore dhe trafikantëve të organeve njerëzore, për aq sa i njeh të drejtën e birësimit edhe një personi të vetëm (ndërkohë që këtë mund ta bëjnë edhe dy bashkëjetues, jo domosdoshmërisht të kategorive të LGBTQ!), duke vënë në rrezik tashmë edhe jetën e fëmijëve (të drejtat ua kanë dhunuar me kohë), dhe kjo me synimin për të vrarë dy zogj me një gur. Shprehimisht, edhe të ngadalësojë lindshmërinë (nga lidhja brendagjinore nuk vjen asnjë lindje dhe vetë fëmija i birësuar nga dy bashkëjetues të së njëjtës gjini nuk do të marrë tjetër orientim dhe sjellje përpos se atë të bashkëjetuesve), për të zvogëluar numrin e popullsisë (duke zbatuar në frymë e në germë idetë e seleksionimit artificial të Malthus-it dhe Darwin-it), edhe të nxjerrë fitime të majme nga trafiqet e lartpërmendura.
Nëse sa më sipër përbën apo jo arsye për t’u ngritur kundër këtyre monstrave me fytyrë njerëzore, këtë e vendosni ju vetë, pa i prishur opozitës as qetësinë, as axhendën, dhe as stinën politike erotikisht të shëndetshme që po kalon me qeverinë. Ndërkohë, një gjë është më se e sigurt: shkatërrimi i familjeve është i njëjtë me shkatërrimin e qelizave të trupit.
