Drejtori i televizionit lokal në Gjirokastër, Aristotel Petro është akuzuar për ngacmin seksual ndaj vajzave minorene që i punësonte.
Ditën e sotme ai është përballur me nënën e vajzës, të cilën pretendohet se ai e ka ngacmuar.
Në një intervistë për emisionin “Shqipëria Live”, Petro dhe nëna e vajzës hodhën akuza të forta kundrejt njëri-tjetrit.
Pjesë nga biseda:
Petro: Para se të bënte kallëzimin nëna e vajzës duhej të vinte te unë të fliste.
Nëna: Duhej ti të kërkoje falje, duken qartë gjërat që shikohen në video. Po të ishe ti në vendin tim, çfarë do të bëje?
Petro: Keni marrë ndonjë lek për të bërë kallëzim në polici
Nëna: Jo, jo, jo.
Petro: Nëse unë të tregoj një video kur vajzën tënde e ngacmojnë më keq se unë dhe ai është ai që ka bërë videon, do e kallëzosh në polici?
Nëna: Sigurisht që po
Petro: Nuk jam person i tillë siç mendon ajo. Ka marrë para dhe e di se nga kush i ka marrë.
Nëna: Çfarë duhej të veproje në këto momente, nëse do ishe në vendin tim?
Petro: Unë disa gjëra po deshe ti them personalisht, se nuk ti them këtu në publik se më vjen keq për vajzën. Të kam thënë mbaje vajzën afër, e tani ajo vuan. Ajo është vajzë e mirë, e kam trajtuar si vajzën time.
Nëna: Vajza ime ka punuar, dilte në terren me mikrofon. Ka punuar 1 muaj e gjysmë apo dy muaj. E kam takuar nga afër dhe i kam thënë largoje nga këtu se dënohesh, se ajo është minorene. Nuk e di, ai ka dhënë lek apo jo.
Kam videot e terrenit. Nuk ka marrë rrogë. I kam thënë hiqe se është e vogël për të punuar aty. Jam e ndërgjegjshme në atë që them.
Petro: Ka qenë në provë, nuk ka qenë me pagesë. Nuk ka punuar fare.
