Një ngjarje aspak e këndshme ka ndodhur në një stacion autibusësh në Prishtinë. Alarmi për një bombë të pranishme ka ngjallur mjaft panic tek udhëtarët që prisnin të niseshin për në destinacionet e tyre. Sipas mediave në Kosovë, bëhet me dije se menjëherë në vendin e ngjarjes kanë shkuar forca të shumta policore.
“Jemi larguar nga vendi i ngjarjes, kanë larguar çdonjeri që ndodhej aty”, u shpreh Drejtori në detyrë në Stacionin e Autobusëve, Arianit Grezda. Ndërsa mbi dyshimet për bombë, ai ia delegoi kompetencat për t’u përgjigjur organeve të rendit.
Për momentin nuk ka asnjë person të pranishëm në stacionin e autobusëve ku u raportua për bombë.
