Të paktën 25 persona kanë humbur jetën dhe 20 të tjerë ndodhen në gjendje të rëndë për shkak të helmimit nga alkooli i falsifikuar në Turqi. 7 nga viktimat ndërruan jetë në rajonin Esenyurt, përfshi këtu tre shtetas të huaj.
Ministria e Brendshme ka kryer bastisje në shumë rajone të vendit ku janë sekuestruar më shumë se 30 mijë litra alkool i falsifikuar.
Sipas mediave të huaja, të paktën 16 persona janë arrestuar pasi policia ushtroi kontrolle në 342 adresa të ndryshme. Kështu njoftoi ministri i Brendshëm në një deklaratë zyrtare mbi rastin.
