Ish-deputetja e Partisë Demokratike, Albana Vokshi në një deklaratë për mediat shprehet se pas videos së djeshme që nxorri drejtori i Policisë së Përgjithshme të Shtetit, Ardi Veliu për nënën e të miturit të dhūnuar tashmë socialistë apo opozitarë kërkojnë shkarkimin e tij.
Por sipas Vokshit, kryeministri Edi Rama nuk e shkarkon Ardi Veliun pasi është peng i urdhrave të tij të paligjshëm që drejtori i policisë ka zbatuar herë pas here.
“Duke mos e shkarkuar atë, Edi Rama provon se do të bënte të njëjtën gjë si Ardi Veliu, do të sulmonte si māfioz një grua për të justifikuar dhūnën policore ndaj djalit të saj të mitur”, thekson Vokshi, ndërsa më tej thotë se “Një kryeministër normal, i papërzierë në punë të pista, do ta kishte shkarkuar menjëherë një drejtor policie që justifikon me prova të sajuara rrahjen e një të mituri për shkak të prejardhjes familjare, sulmon si kríminel gjakftohtë një nënë kryefamiljare dhe që shkel të drejtat e njeriut”.
DEKLARATË E PARTISË DEMOKRATIKE, ALBANA VOKSHI:
Pak gjëra kanë sjellë një zemërim aq të madh të qytetarëve sesa qendrimi i djeshëm kriminal i Drejtorit të Përgjithshëm të Policisë së Shtetit. Socialistë apo opozitarë, të gjithë kërkojnë shkarkimin e Ardi Veliut.
Një zyrtar që justifikon dhūnën policore kundër një të mituri duke sulmuar nënën e tij me metodat e sigurimit të shtetit nuk duhet të ketë vend në Policinë e Shtetit.
Pavarësisht kërkesës unanime për të larguar Ardi Veliun, njerëzit që kanë në dorë shkarkimin e tij, po heshtin.
Edi Rama bën sikur nuk ka parë gjë, Sandër Lleshaj bën sikur nuk ka kuptuar gjë, duke shpresuar se me kalimin e kohës do ta shpëtojnë mercenarin e tyre dhe të bandave kríminale.
Heshtja māfioze e kryeministrit dhe e Ministrit të Brendshëm për qendrimin skandaloz të Drejtorit të Përgjithshëm të Policisë së Shtetit, është prova më domethënëse se veprimi i Ardi Veliut është linjë partiake dhe qeveritare.
Duke mos e shkarkuar atë, Edi Rama provon se do të bënte të njëjtën gjë si Ardi Veliu, do të sulmonte si māfioz një grua për të justifikuar dhūnën policore ndaj djalit të saj të mitur.
Edi Rama është peng i urdhrave të paligjshëm që ka zbatuar herë pas here për llogari të tij Ardi Veliu.
Kjo shpjegon heshtjen e Edi Ramës dhe të Sandër Lleshajt, në një kohë kur e gjithë Shqipëria është e revoltuar dhe kur të gjithë duan që Ardi Veliu të mos përfaqësojë më Policinë e Shtetit.
Një kryeministër normal, i papërzierë në punë të pista, do ta kishte shkarkuar menjëherë një drejtor policie që justifikon me prova të sajuara rrahjen e një të mituri për shkak të prejardhjes familjare, sulmon si kríminel gjakftohtë një nënë kryefamiljare dhe që shkel të drejtat e njeriut.
Të dashur qytetarë!
Sa herë të shikoni Ardi Veliun, mos harroni zemërimin legjitim që keni sot! Ardi Veliu është Edi Rama! Këta mendojnë se mund të bëjnë gjithçka me jetët tuaja dhe të fëmijëve tuaj dhe të mos japin llogari, por i kanë bërë llogaritë gabim!
