Bisedimet Kosovë-Serbi duket se do vijojnë.
I dërguari i Presidentit amerikan për këto bisedime, Richard Grenell, u shpreh se liderët e dy vendeve do takohen në Shtëpinë e Bardhë në 2 shtator.
Grenell e dha njoftimin në rrjetet sociale, por nuk tregoi detaje të tjera.
Ky takim ishte planifikuar fillimisht në 27 qershor, por gjithçka dështoi pasi Prokuroria e Posaçme me seli në Hagë, njoftoi ngritjen e akuzave për presidentin Hashim Thaçi, si edhe kryetarin e PDK, Kadri Veselin, të dyshuar për krime lufte.
Zoti Grenell tha më pas se takimi do të bëhej në një datë të ardhme.
/Gazetaatdheu.com/