Ambasadorja e SHBA në Tiranë Yuri kim reagoi sot pas vendimit për ish-prokurorin e Përgjithshëm Adriatik Llalla. Ai u dënua me 2 vute burg. Ajo u shpreh se i vjen mirë që drejtësia po bënin punën e duhur kundër zyrtarëve të korruptuar.
“Më vjen mirë që shikoj se drejtësia po punon kundër zyrtarëve të korruptuar. Prokurorët duhet të vazhdojnë të ndërmarrin veprime kundër zyrtarëve – pa marrë parasysh sa të lartë apo të fuqishëm – të cilët keqpërdorin pozitën e tyre për t’u pasuruar. Askush nuk është mbi ligjin”, shkruan ambasadorja Kim.
Kujtojmë që Llalla ka pasur një përplasje me ambasadën e SHBA. Sipas tij, ish-ambasadori Donald Lu i ka kërkuar arrestimin e Berishës dhe Metës, si dhe ndërhyrjen në një çështje të kompanisë “Bankers Petrolium”.
