Arbana Osmani po kalon momente të dhimbshme në familjen e saj. Pak minuta më parë autorja dhe prezantuesja e njohur ka njoftuar në rrjetet sociale se ka humbur gjyshin e saj.
Krahas një fotoje ku shihet me gjyshin e gjyshen e ndjerë, Arbana ka dhënë lajmin e hidhur duke e shoqëruar me fjalët prekëse: “Ma puth fort Nanën, o gjysh! Ah, sa do më marrë malli për ju”.
Gjyshi që e ka rritur prezantuesen nuk është krejt i panjohur për publikun. Ai dhe gjyshja kanë qenë pjesë e një surprize që stafi i ka përgatitur prezantueses në fund të para 2 sezoneve të emisionit “Dua të të bëj të lumtur”.
E gjendur e papërgatitur por e lumtur pafund dhe e përlotur nga ardhja e dy gjyshërve në studio Arbana asokohe i tha publikut:
“Gjyshërit, janë prindërit e mamit dhe dy njerëzit më të dashur për mua dhe jam shumë e lumtur dhe me fat që edhe sot 86 vjec i kam gjallë dhe i kam afër”.
