Një tabelë guri e përdorur në një lojë të lashtë me top futbolli është zbuluar në vendin e famshëm arkeologjik Mayan Chichen Otza në gadishullin Jukatan të Meksikës.
Sipas një deklarate nga Instituti Kombëtar i Antropologjisë dhe Historisë (INAH) i Meksikës, pjesa rrethore, me diametër pak më shumë se 32 centimetra dhe peshë 40 kilogramë shfaq një shkrim hieroglifik që rrethon dy lojtarë që qëndrojnë pranë topit.
“Në këtë vend të fiseve Maja, është e rrallë të gjesh shkrime hieroglifike, e lëre më një tekst të plotë”,tha Francisco Perez, një nga arkeologët që koordinon hetimet në kompleksin Chichanchob, i quajtur gjithashtu Casa Colorada, raporton CNN.
Guri, që besohet të jetë një tabelë rezultatesh, daton midis viteve 800 dhe 900 pas Krishtit. Loja me top ishte një praktikë tradicionale e popujve mezoamerikanë. Studiuesit e INAH tani po përgatiten të marrin imazhe me rezolucion të lartë të tekstit dhe ikonografisë për studim të hollësishëm, ndërkohë që e përgatisin atë për konservim.
Kompleksi Chichen Itza, i shpallur një sit i Trashëgimisë Botërore nga UNESCO, është një nga qendrat kryesore arkeologjike të qytetërimit Majan në Gadishullin Jukatan. Sipas të dhënave zyrtare, rreth 2 milionë njerëz e vizitojnë atë çdo vit.
