Bashkëshorti i modeles shqiptare Angela Martini është arrestuar ditën e sotme në ishullin e famshëm grek Mykonos. Mediat greke shkruajnë se Dragos Savulescu u arrestua së bashku me një person tjetër ndërsa kanë bërë një jetë luksi në Greqi duke harxhuar mijëra euro.
Dragos Savulescu me origjinë nga Rumania ishte i shpallur në kërkim ndërkombëtar dhe autoritet greke kishin marrë informacione që ndodhej aty. Pas një operacioni të mirë organizuar bashkëshorti i Angela Martinit ka rënë në pranga dhe bëhet me dije se nuk i ka rezistuar forcave të Policisë.
Kujtojmë qëSavulescu ka qenë i dënuar me 5.5 vite burg. Ai u arrestua në vitin 2019 pasi së bashku me ish-kryebashkiakun e Konstancës, Radu Mazare dhe ish-Presdidentin e Dinamos, Cristi Borcea e të pandehur të tjerë vodhën nga tenderat 114 milionë euro. Pas vendimit të autoritetve rumune, Dragos Savulescu u arratis në Napoli të Italisë dhe më pas kishte shkuar në Greqi.
