Pavarësisht pandemisë globale, një artiste dhe producentja shqiptare në Kanada, ja ka dalë dhe ka triumfuar të vlerësohet me çmim.
Aktorja Ana Golja, është vlerësuar në festivalin e filmit “Lavazza Film Festival” për filmin “The Cuban”.
Golja nëpërmjet një postimi në rrjetet sociale, ka treguar se, ndjehet e nderuar që është vlerësuar me çmimin “Aktorja më e mirë”
“Nuk e di ende se çfarë ndodhi mbrëmjen e djeshme por përfundova me një çmim me emrin tim.
Pafundësisht mirënjohëse për vlerësimin si aktorja më e mirë në ”Lavazza Film Festival”. Faleminderit të gjithëve”,- shkruan ajo.
Filmi “The Cuban” ka për producente artisten me prejardhje shqiptare, Ana Goljan.
Golja tha se, filmi “The Cuban”, ku edhe ajo luan rolin e infermieres së re duke u shërbyer pleqve në një shtëpi shëndeti ka ardhur si frymëzim nga gjyshja e saj.
“Mesazhi nga stërgjyshja gjithmonë ka qenë të jesh njeri i mirë, dhe më ka mësuar të jem bujare, e respektueshme, dhe ta shijojë sa më shumë jetën.
Mesazhi që jap unë është t’i duam prindërit dhe gjyshërit dhe të kujdesemi sa më shumë për ta”- thotë Ana.
Festivali i filmit u zhvillua nga 20- 31 korrik në Toronto të Kanadasë, ku prezantoi një përzgjedhje filmash nga disa nga vendet më të prekura nga kriza globale e shëndetit.
Kjo, në përpjekje për të ndërtuar një urë lidhëse mes filmit dhe betejës ende të pafituar kundër pandemisë, të cilën po kalojmë.
Në festival u prezantuan filma nga vende të ndryshme të botës si Franca, Spanja, Kina, Rusia, SHBA-të, Mbretëria e Bashkuar, Brazili, India dhe Kanadaja.
/Gazetaatdheu.com/