Një qytetar i shqetësuar ka denoncuar publikisht nëpërmjet JOQ Albania një rast të rëndë që lidhet me sigurinë e barnave që tregtohen në vendin tonë, veçanërisht përmes platformave online.
Sipas denoncimit, bëhet fjalë për një produkt të prezantuar si “shurup për pastrimin e kanaleve urinare”, i cili tregtohet përmes një faqeje në internet me emrin “Shëro Kanalet Urinare”. Qytetari thekson se produkti në fjalë nuk përmban asnjë informacion bazë mbi përbërësit, datën e prodhimit apo atë të skadencës, elementë thelbësorë për çdo medikament.
Etiketa e vetme në shishe përmban vetëm një përshkrim të përgjithshëm: “Pastrues i Kanaleve Urinare. Shëro veshkat dhe kanalet urinare.”
“Përshëndetje JOQ! Shiko çfarë mashtrojnë njerëzit. Pastrues i kanaleve urinare, pa asnjë datë skadence, pa asnjë përbërës, pa asgjë! Dhe njerëzit porosisin, pleqëria e shkretë nëpër ‘Facebook’ dhe ‘Instagram’, dhe gënjejnë njerëzit. I bëj thirrje AKU-së dhe Tatimores të ndërhyjnë menjëherë dhe të zbulojnë kush qëndron pas kësaj faqeje. Kjo është faqja që i ka porositur zonja, ‘Shëro Kanalet Urinare’,” thotë qytetari.
Ky rast hedh dritë mbi një problem më të gjerë që ka të bëjë me mbikëqyrjen dhe kontrollin e tregut të barnave në Shqipëri. Ndërhyrja e autoriteteve kompetente është emergjente dhe e domosdoshme, për të siguruar që ilaçet që tregtohen në vendin tonë të jenë të kontrolluara dhe të sigurta.
<blockquote class=”twitter-tweet”><p lang=”et” dir=”ltr”>Askush nuk i kontrollon, në internet shiten ilaçe pa asnjë të dhënë<br><br>Një qytetar i shqetësuar ka denoncuar publikisht nëpërmjet JOQ Albania një rast të rëndë që lidhet me sigurinë e barnave që tregtohen në vendin tonë, veçanërisht përmes platformave online.<br><br>Sipas denoncimit,… <a href=”https://t.co/82gzdsZDS7″>pic.twitter.com/82gzdsZDS7</a></p>— JOQ Albania (@JoqAlbania) <a href=”https://twitter.com/JoqAlbania/status/1917870825061171514?ref_src=twsrc%5Etfw”>May 1, 2025</a></blockquote> <script async src=”https://platform.twitter.com/widgets.js” charset=”utf-8″></script>
