‘Ata janë terroristë’, Rita Ora dhe Dua Lipa mbajnë qëndrim të ashpër ndaj protestave në SHBA
Autori: F.T
Këngëtarja shqiptare me famë botërore, Rita Ora ka shpërndarë në ‘InstaStory’ një shkrim ku shkruhet: “Mjaft i quajtët protestues, ata janë terroristë”, për revoltuesit që hynë me dhunë dje në Kongresin amerikan.
Një reagim të ngjashëm e ka bërë edhe artistja tjetër e njohur shqiptare, Dua Lipa. Ajo ka publikuar një foto nga protesta, duke shkruar “quajini ata ashtu si janë, terroristë.”
Reagimi i tyre vjen pasi ditën e djeshme SHBA-ja u përfshi nga një protestë masive e thirrur nga Donald Trump, në mënyrë që të ndalohej çertifikimi i votave të Kolegjit Zgjedhor. Në revoltë, protestuesit kanë çarë kordonin policor dhe kanë shkatërruar çdo gjë që u ka dalë përpara. Gjithashtu, janë gjetur të paktën 2 pajisje shpërthyese dhe 4 persona kanë vdekur dhe shumë janë plagosur për shkak të dhunës.