Atalanta e Berat Gjimshitit ka shkruar historinë mbrëmjen e kësaj të mërkure, duke mposhtur me rezultatin e thellë, 3 me 0, Bayer Leverkusen.
Atlanata fiton për herë të parë një trofe evropian dhe nuk mund të kishte nisje më të mbarë se trofeu i UEFA Europa League.
Protagonist absolut ishte padyshim nigerian, Ademola Lookman, i cili me tre golat e tij, në minutat 12’, 26’ e 75’ kapitulloi gjermanët e Xabi Alonso.
Protagonist në këtë sfidë ishte edhe kapiteni i Kombëtares dhe “Zikaltërve” të Atalanta, Berat Gjimshiti, i cili pas Marash Kumbullës bëhet “Legjionari” i dytë i këtij brezi futbollistësh së “Kuqezinjve”, që triumfon në “kontinentin e vjetër” me skuadrën e tij.
