Qeveria greke ka vendosur të mbyllë sërish dyqanet në Athinë dhe ka shtyrë pa afat planet për rikthimin e nxënësve në klasa si pasojë e rritjes së infektimeve me COVID-19.
Dhjetë ditë më parë, qeveria njoftoi lehtësimin e masave dhe hapjen e dyqaneve dhe parukerive të cilat ishin mbyllur që prej fillimit të vitit. Shkollat e mesme ishin parashikuar të hapeshin më 1 shkurt.
Por të premten autoritetet vendosën që dyqanet në zonat me infektim të lartë do të mbyllen sërish, raportojnë mediat vendase.
Shkollat e mesme do të vazhdojnë mësimin nga shtëpitë.
Kufizimet e reja është thënë se do të zbatohen të paktën deri më 8 shkurt.
Më 29 janar, autoritetet greke kanë raportuar për 941 raste të reja me koronavirus dhe 22 viktima.
Greqia ka humbur 5,764 qytetarë nga pandemia dhe ka regjistruar rreth 155 mijë raste në total.
/exit
