Një avion luftarak rus Su-27 përgjoi dhe përplasi një dron vëzhgimi ushtarak amerikan MQ-9 ‘Reaper’, duke bërë që ai të rrëzohej në Detin e Zi. Dy avionë rusë Su-27 kapën dronin spiun amerikan dhe njëri prej tyre u përplas me të në orën 7:03 me orën lokale (08:03 me orën shqiptare).
Disa herë para përplasjes, avionët luftarakë rusë furnizuan me karburant MQ-9 dhe fluturuan përpara tij në manovra të pasigurta, tha ushtria amerikane në një deklaratë.
“Droni ynë MQ-9 po kryente operacione rutinë në hapësirën ajrore ndërkombëtare kur u kap dhe u godit nga një avion rus, duke rrëzuar MQ-9. Në fakt, ky veprim i pasigurt dhe joprofesional i rusëve për pak sa nuk shkaktoi rrëzimin e të dy avionëve”, tha në një deklaratë komandanti i krahut të Forcave Ajrore të SHBA-së, James Hecker, i cili mbikëqyr Forcat Ajrore të SHBA në rajon, sipas një deklarate.
