Avokati Altin Goxhaj ka humbur babain e tij për shkak të Covid-19, në ditën e parë të vitit 2021. Në një postim në rrjetet sociale, vetë avokati ka dhënë lajmin e hidhur, për ndarjen nga jeta të babait të tij, që prej 24 ditësh po luftonte me koronavirusin.
Goxhaj shkruan se babait të tij ia mori jetën virusi kinez dhe se varrimi do të bëhet më datë 3 janar, në varrezat e Sharrës. Në të njëjtën ditë, pritja e njerëzve do të bëhet nga ora 10:00-12:00 te Rezidenca e Agjencisë Funerale ALBA 2000 pranë Medresesë
“Me zemër të copëtuar ju njoftoj në emër të familjes miq, se babai im Enver Goxha (15.08.1939 -01.01.2021) ndërroi jetë sot pas një përballje 24 ditore me virusin kinez nga të cilat 15 ditë në reanimacion në spitalin infektiv nën një kujdes shembullor dhe human të mjekëve dhe infermierëve të tij. Ju njoftoj se varrimi do të zhvillohet në dt 3 Janar, pasnesër, të Djelën në 12:00 në Varrezat e Sharrës ndërsa Pritja do të jetë po atë ditë nga ora 10:00-12:00 te Rezidenca e Agjencisë Funerale ALBA 2000 pranë Medresesë (Rruga e Dibrës, Nr.302). Ju kujtoj se për shkak të kushteve specifike të periudhës së detyruar izoluese që kemi si familje, nuk presim vizita në shtëpi por veç pasnesër të Djelën tek Rezidenca ALBA 2000. Ju mirëkuptojmë plotësisht për pamundësinë për të marrë pjesë në ceremoni. Ju ardhshim veç për të mira,”- shkeuan Goxhaj krahas një fotoje ku shihet me të gjithë familjen e tij.
