Avokati i Popullit publikoi sot një raport për “Monitorimin e Veprimtarisë së Këshillit të Emërimeve në Drejtësi” përgjatë vitit 2019, ku janë vënë re disa problematika të vërejtura gjatë procedurave të hedhjes së shortit për krijimin e KED.
Gjithashtu në raport është janë evidentuar dhe probleme me procedurat e ndjekura nga KED për verifikimin e plotësimit të kushteve formale për vlerësimin e kandidaturave, transparencën e organit të KED-së si dhe respektimin e afateve nga ana e saj.
Gjatë këtij raporti, Avokati i Popullit i është referuar edhe raportit të Komisionit të Venecias në lidhje me KED.
Raporti përfshin edhe një numër rekomandimesh, që adresojnë problematikat më të mprehta të konstatuara.
