Babai i tre fëmijëve ka shkuar në masa ekstreme për të lehtësuar mërzinë e bllokimit duke ndërtuar një iglo në pjesën e pasme të kopshtit të tij. Alex Asbridge tha se ai dhe tre djemtë e tij bënë iglo(ndërtesë në akull) duke shtypur borën në një kuti plastike për të krijuar tulla.
Rreshter tha se ai pranoi kërkesën e djalit të tij 10-vjeçar Jesse për të fjetur në të me të pasi ai e dinte se kishte pajisje të mjaftueshme për t’i mbajtur ata të ngrohtë. Ai tha se temperaturat ishin rreth -5C kur ata flinin natën e së martës.
Sipas Bbc, Asbridge, i cili është me Regjimentin Mbretëror Anglian, tha se djemtë e tij kishin ndërtuar shumë ‘njerëz’ prej dëbore këtë dimër, kështu që gruaja e tij Rachael sugjeroi të bënte një iglo në vend të kësaj.
“Kam pasur një kuti të vogël plastike dhe kam mbushur dëborë në të. Fëmijët ishin ulur dhe po e shtypnin për ta provuar ta bënin sa më të fortë. Pastaj i mbajtëm tullat dhe ajo filloi të merrte formë. Dy tulla u rrëshqitën, por gjithçka funksionoi,”– tha ai.
36-vjeçari tha se fëmijët e tij donin të ishin në dëborë dhe ishin me të vërtetë krenarë për veten e tyre për arritjen e diçkaje ndryshe. Natën pasardhëse dy fëmijët e tjerë, Riley, tetë dhe Ellis, shtatë, donin të flinin në iglo por ata nuk arritën të kalonin natën.
