Babai monstër do të dëshmojë pranë trupës gjygjësore të gjykatës Fier, për rrethanat e krimit të neveritshëm që ka kryer ndaj vajzës së tij 12 vjeçare.
Zamir Meta, 36 vjeç, është paraqitur në Gjykatën e Shkallës së Parë Fier, ku do të përballet me akuzat për abuzim seksual ndaj vajzës së tij 12-vjeçare. Ky zhvillim vjen pas një deklarate të Metës, i cili, sipas të dhënave, ka pranuar se ka kryer këtë akt një herë të vetme.
Ngjarja e rëndë e ndodhur në fshatin Sheqishtë, të njësisë administrative Zharrëz, në Fier ka shkaktuar zemërim të gjerë dhe tronditje në opinionin publik. Rasti po ndiqet me vëmendje të shtuar nga institucionet përkatëse, të cilat po hetojnë rrethanat e plota. Meta, babai i shtatë fëmijëve, ndodhet tashmë në duart e drejtësisë, ndërsa pritet që dëshmia e tij të sjellë më shumë qartësi mbi këtë ngjarje.
Komuniteti dhe shoqëria po kërkojnë me ngulm drejtësi dhe masa të forta ndaj akteve të tilla të dhunshme, veçanërisht kur viktimat janë fëmijë. Ky rast shton nevojën për rritjen e ndërgjegjësimit dhe mbrojtjes së të miturve nga çdo formë abuzimi.
