![Babë e bir bien në lumin Fan…](https://tvanews.com/wp-content/uploads/2024/01/WhatsApp-Image-2024-01-18-at-13.13.19-752x440-1-650x365.jpeg)
Një aksident automobilistik është regjistruar pak pas mesditës së kësaj të enjteje, në fshatin Hadroj në Pukë ku një automjet ka rënë në ujërat e lumit Fan.
Automjeti drejtohej nga shtetasi me inicialet Z. N., 60-vjeç, teksa pasagjer ishte dhe djali i tij 24-vjeçar me inicialet N. N. Shkak i aksidentit dyshohet të jetë lagështira e krijuar në rrugë për shkak të reshjeve të shiut.
Fatmirësisht babë e bir janë nxjerrë nga ujërat e lumit dhe po marrin trajtim shëndetësor në spitalin e Pukës, ku ndodhjen jashtë rrezikut për jetën. Lidhur me rastin konkret, grupi hetimor ka nisur punën për të përcaktuar shkakun e aksidentit.
Infrastruktura e dobët rrugore, mungesa e sinjalistikës së posaçme dhe ngarja me shpejtësi e automjeteve, bëhen shpesh shkaktarë për aksidente në ditë me shi.