Dy persona babë e bir me banim në Durrës janë arrestuar nga Policia këtë fundjavë.
Sipas informacioneve zyrtare, K. D., 53-vjeç është arrestuar pasi ka dhunuar bashkëshorten e tij. I biri E. D., 24-vjeç pas kësaj ka ushtruar dhunë ndaj babait të tij, dhe për këtë arsye është arrestuar dhe ai nga Policia.
“Specialistët për Hetimin e Krimeve të Komisariatit të Policisë Durrës arrestuan në flagrancë shtetasit K. D., 53 vjeç dhe E. D., 24 vjeç, babë e bir, banues në Durrës, pasi shtetasi K. D. ka ushtruar dhunë ndaj bashkëshortes së tij, ndërsa shtetasi E. D. ka ushtruar dhunë ndaj babait të tij”, thuhet në njoftimin e Policisë.