Pasditen e sotme në një takim elektoral në kuadër të fushatës për zgjedhjet e 25 Prillit, Rilindja kishte mbledhur militantët e saj në Sheshin Skënderbeu. Midis atyre që folën ishte edhe ministrja e MIE, Belinda Balluku. Ashtu si edhe kolegët e saj, ajo përmendi partonazhistët, duke quajtur edhe veten të tillë, dhe plot krenari u shpreh se janë më të mirët e Ballkanit dhe dinë të patronazhojnë. “Ne dimë të patronazhojmë, jemi më të mirët e Ballkanit. Ne mund të patronazhojmë edhe ata që kanë humbur dhe e çojnë votën dëm. Në respekt të plotë të ligjit dhe Kodit Zgjedhor.”-u shpreh ajo ndër të tjera.
