Një qytetar ka denoncuar në faqen tonë gjendjen e rënduar të rrugës në fshatin Nikël, pranë ish-shkollës, duke dërguar një video që tregon gjendjen e saj aktuale.
Sipas tij dhe siç tregojnë pamjet, rruga është lënë në harresë dhe pavarësisht përpjekjeve për të ngritur shqetësimin, çdo koment që ai bën në faqen e kryetarit të bashkisë fshihet, duke u ndjekur më pas edhe me bllokimin e tij.
Qytetari thekson se ka kërkuar disa herë zgjidhje për këtë problem, por përballja me censurën e komenteve ka bërë që shqetësimi i tij të mos marrë vëmendjen e duhur.
Ai shpreh zhgënjimin për mungesën e transparencës dhe refuzimin për të dëgjuar zërin e banorëve.
Mesazhi i plotë:
“Ju lutem beni kte postim i coj te komentet e kryetarit bashkis kruj rrugen ne fshatin nikel ngjitur me ish shkollen dhe aij i fshin komentet e pastaj ben bllok”.
