Lionel Messi është gjithnjë e më afër rikthimit të tij të madh në Barcelonë verën e ardhshme.
Në fillim të javës, shtypi ndërkombëtar raportoi se mes dy palëve tashmë ka një marrëveshje verbale që superylli argjentinas të kthehet në Barcelonë, pas dy vitesh që qëndroi në Paris Saint-Germain.
Mesditen e sotme raportet e katalanasve e çuan gjithë çështjen një hap më tej, duke theksuar se kontrata që do të nënshkruajë Messi do të zgjasë dy vjet dhe do të jetë e vlefshme nga 1 korriku 2023 deri në qershor 2025.
Në fakt, drejtuesit e Barcelonës po përgatitin një “pritje” shumë të madhe për rikthimin historik të Messit, me një festë në “Camp Nou” në qershor, në prani të 105 mijë tifozëve të skuadrës./ Barcauniversal