Barcelona po shqyrton mundësinë e ndalimit të qirave të apartamenteve për turistët, një masë që synon të lehtësojë krizën e strehimit për banorët vendas, të cilët po përballen me sfida të mëdha për të gjetur banesa të përballueshme.
Qëllimi i autoriteteve është që 10 mijë apartamentet në zonat kryesore turistike të qytetit të jenë të disponueshme për banorët vendas, të cilët nuk mund të gjejnë banesa për shkak të çmimeve të larta të qirave.
Barcelona, me një popullsi prej 1.6 milionë banorësh, u vizitua vitin e kaluar nga 26 milionë turistë, shumë prej të cilëve qëndruan në apartamente të marra me qira.
Edhe pse turizmi përbën 15% të ekonomisë së qytetit, banorët e Barcelonës kanë protestuar kundër numrit të madh të vizitorëve, duke arritur deri në përdorimin e pistoletave me ujë për t’i larguar ata nga rrugët e tyre.
Në këtë kontekst, edhe Tirana mund të shqyrtojë një masë të tillë. Me rritjen e numrit të turistëve dhe shtimin e apartamenteve të dhëna me qira për ta, qyteti po përballet me rritjen e çmimeve të qirave dhe vështirësi në strehim për banorët vendas. Ndalimi i qirave të apartamenteve për turistët mund të ndihmojë në lehtësimin e krizës së strehimit dhe të sigurojë më shumë banesa të përballueshme për qytetarët e Tiranës.
