Gjatë ditës së sotme, Lulzim Basha zhvilloi një takim me gratë demokrate. Basha bashkë me përfaqësuese të Lidhjes Demokratike të Gruas janë takuar në një kafe në një zonë të Tiranës, teksa nuk është pritur mirë nga të rinjtë e FRPD-së. Këta të fundit kanë organizuar në protestë kundër Lulzim Bashës, të cilin e konsiderojnë peng të Edi Ramës. Mësohet se makina e Bashës u qëllua me vezë nga anëtarë të FRPD. Ata iu kundërvunë Bashës duke thënë që truproja i tij i kishte dhunuar. Ndërkohë nuk dihet ende nëse Basha do të heqë dorë nga ky takim, për të shmangur përballjen me protestuesit.
