Gjatë mbrëmjes së djeshme Kryesia e Partisë Demokratike e Lulzim Bashës zhvilloi një mbledhje e cila nisi pasditen e djeshme rreth orës 18:30 dhe përfundoi rreth orës 03:30 të mëngjesit të sotëm. Mbledhja ka përfunduar me një vendim. Mësohet se Kryesia ka vendosur përjashtimin përgjithmonë nga Partia Demokratike të Sali Berishës dhe disa prej anëtarëve të tjerë të Komisionit të Rithemelimit. Bëhet e ditur se anëtarët e komisionit të rithemelimit që janë përjashtuar janë:
Bujar Nishani, Flamur Noka, Albana Vokshi, Edmond Spaho, Arben Ristani, Klevis Balliu, Keltis Kruja. Ndërkohë që për pjesën tjetër të anëtarëve të Komisionit të Rithemelimit, Kryesia ka vendosur që ata të qëndrojnë të pezulluar. Konkretisht të pezulluar janë Agron Shehaj, Belind Këlliçi, Ledina Mandija, Tritan Shehu, Aldo Bumçi, Çlirim Gjata, Edith Harxhi, Edi Paloka, Luan Baçi, Oerd Bylykbashi, Lorenc Luka, Ivi Kaso, Mimoza Hajdarmataj dhe Bledi Himçi. Pritet që ky vendim i kryesisë të kalojë më pas për miratim në Këshillin Kombëtar të Partisë Demokratike.
Njoftimi i PD-së:
Pas sulmit të dhunshëm dhe të parapërgatitur të 8 Janarit mbi Selinë Qendrore tëPartisë Demokratike, që vuri në rrezik serioz jetën e anëtarëve të Kryesisë, Grupit Parlamentar, Këshillit Kombëtar, Kuvendit Kombëtar, dhe vetë anëtarëve të partisë që ishin thirrur në një protestë që ishte lajmëruar si paqësore, por ishte përgatitur për të shkaktuar gjakderdhje mes demokratëve;
Pas shkatërrimit të paprecedentë të Selisë Qendrore të Partisë Demokratike, nga individë me rekorde kriminale dhe pa asnjë lidhje me Partinë Demokratike, të urdhëruar, organizuar dhe nxitur nga organizatorët e protestës;
Pas tentativës që përmes akteve të dhunës dhe kërcënimeve për destabilizim t’i imponohen vendimmarrjes së shumicës dërrmuese të të gjitha institucioneve të partisë;
Pasi kanë kaluar 48 orë dhe nuk ka asnjë akt distancimi nga dhuna e paprecedentë e urdhëruar, organizuar dhe nxitur nga disa anëtarë të partisë, ndaj partisë së tyre dhe anëtarëve të Partisë Demokratike;
Kryesia e Partisë Demokratike, në mbledhjen e datës 10 Janar 2021, unanimisht
Vendosi:
- Dënimin me forcë të akteve të dhunës, gjuhës përcarëse dhe retorikës që nxit konfliktin mes demokratëve.
- Përjashtimin nga Partia Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, të anëtarëve që kanë organizuar, nxitur, urdhëruar apo ushtruar dhunë si më poshtë:
- Sali Berisha
- Flamur Noka
- Edmond Spaho
- Albana Vokshi
- Bujar Nishani
- Arben Ristani
- Rigels Muçollari
- Keltis Kruja
- Klevis Balliu
- Pezullimin me efekt të menjëhershëm nga anëtarësia në Partinë Demokratike, dhe ku është rasti nga të gjitha funksionet drejtuese dhe nga Grupi Parlamentar i Partisë Demokratike, deri në distancimin e plotë dhe publik nga aktet e dhunës ndaj Partisë Demokratike, dhe veprimeve që dëmtojnë interesat elektorale apo politike të Partisë Demokratike, të:
- Agron Shehaj
- Aldo Bumci
- Belind Këlliçi
- Blendi Himçi
- Clirim Gjata
- Edi Paloka
- Edith Harxhi
- Eno Bozdo
- Ervin Minarolli
- Genc Deromemaj
- Genc Pollo
- Gent Strazimiri
- Ivi Kaso
- Ledina Mandija
- Lorenc Luka
- Luan Baçi
- Mimoza Hajdrmamataj
- Oerd Bylykbashi
- Tritan Shehu
