Nuk kanë fund sulmet me armë zjarri në SHBA. Së fundmi mediat amerikane kanë raportuar për një vrasje me armë të ndodhur brenda një restoranti në Kaliforni. Në pamjet e publikuar duket momenti kur një person i armatosur vrau gruan e tij dhe një burrë tjetër brenda restorantit. Video tregon burrin e identifikuar si Jing Yixin, 38 -vjeç duke ecur brenda në restorant dhe nxjerr një armë nga një qese letre dhe duke e drejtuar atë drejt burrit me të cilin ishte ulur gruaja e tij. Yixin hap zjarr, duke goditur burrin disa herë ndërsa gruaja e tij përpiqet ta ndalojë deri sa burri i saj zbraz armën mbi të. Autori më pas mbush armën sërish dhe qëllon përsëri ndaj viktimave dhe më pas largohet.
Ai dhe gruaja e tij e vrarë kanë dy vajza, të moshave 9 dhe 12, ndërsa detektivët e vrasjeve, me ndihmën e oficerëve të Doganave dhe Mbrojtjes së Kufirit të SHBA ndaluan të dyshuarin në kufirin meksikan. Por ende nuk ka informacione mbi motivin e sulmit të tij.
