Ligjbërësit e Bashkimit Europian pas gati 37 orësh diskutimesh kanë ndërmarrë hapa ligjorë për të rregulluar me ligj inteligjencën artificiale. Në mënyrë që të ketë një kontroll mbi teknologjinë artificiale dhe vendosjen e limiteve për mbrojten e privatësisë.
Ligji i ri për Inteligjencën Artificiale do të mundësojë që aplikacionet që përdorin inteligjencën artificiale të mos shkaktojnë dëme tek të dhënat e përdoruesve apo jo përdoruesve të kësaj teknologjie. Ky klasifikim do të jetë i përfishirë mbi tre kategori, në praktikat e ndaluara që bien ndesh me ligjet e Bashkimit Europian dhe vendeve anëtare ku përfshihen aktivitete që do të çonin në kanosjen fizike të personave, në sistemet me rrezikshërinë e lartë që për shkak të sigurisë nuk duhen të jenë të kompromentuara nga inteligjenca artificiale dhe nxjerrja e të dhënave nga sistemet e inteligjencës artificiale.
Ky ligj përfshin edhe rregullimet e algoritmeve të inteligjencës artificiale për shkak të humbjes së kontrollit nga ana e programuesve në modifikimin e algoritmeve përkatës që janë në inteligjencën artificiale.
Kjo nuk do të thotë që bisneset do të jenë të limituara përkundrazi ligji parashikon politika që favorizojnë bisneset në përdorimin e inteligjencës artificiale dhe zgjerimin e bisneseve përmes inteligjencës artificiale.
Presidentja e Komisionit Europian Ursula von der Leyen, ka deklaruar se ky është një nga ligjet më unike në botë ku duhet pasur besim maksimal nga të gjitha palët.
