Jude Bellingham ka tërhequr sërish vëmendjen me një gjest sportiv pas ndeshjes së Anglisë ndaj Meksikës në Kupën e Botës 2026, ku “Tre Luanët” fituan 3-2 në një duel të fortë dhe dramatik.
Pas përfundimit të takimit në “Estadio Azteca”, mesfushori i Real Madridit u pa duke u afruar te talenti 17-vjeçar i Meksikës, Gilberto Mora, i cili ishte i prekur nga eliminimi i skuadrës së tij. Bellingham e ngushëlloi dhe më pas të dy shkëmbyen fanellat, një moment që u përhap menjëherë në rrjetet sociale.
Mora, një nga zbulimet më të mëdha të turneut, u bë lojtari më i ri i Meksikës në një Botëror dhe përballja me Anglinë shënoi një kapitull të rëndësishëm në karrierën e tij të hershme. Gjesti i Bellingham u vlerësua gjerësisht si shenjë respekti dhe sportiviteti mes dy brezave të ndryshëm të futbollit.
