Një kërcënim për bombë ka bërë që një avion me 200 pasagjerë që udhëtonte nga Polonia drejt Mbretërisë së Bashkuar të bëjë ulje të detyruar.
Sapo avioni është ulur, në pistë kanë mbërritur forca të shumta të policisë dhe ekspertë të fushës së eksplozivëve për të verifikuar gjithçka. Ngjarja ndodhi pasi kontrolli i trafikut ajror polak dha një informacion për një kërcënim me bombë.
Fatmirësisht policia nuk u gjeti objekte të dyshimta gjatë kontrollit të avionit Airbus A321 të operuar nga transportuesi hungarez Wizz Air.
