Kjo e enjte shënon 82-vjetorin e Sali Berishës, por ndërsa rinia i ka bërë daljen dhe digjen rrugëve në mes të protestave dhe tymit të gazit lotësjellës, “Doktori” preferon t’i ndjekë revolucionet nga divani.
Nga një kënd mjaft i këndshëm e i ngrohtë i shtëpisë, krah bashkëshortes Liri, ai gjeti kohë të lëshojë kushtrimin e radhës në rrjetet sociale:
“Miq, sot 82 vjeç! Në vjeshtën më të bukur të jetës time! Vjeshtën e Studentëve! Lavdi Zotit!”
Nuk ka asgjë më romantike se sa të shpallësh “Vjeshtën e Studentëve” dhe betejën përfundimtare politike. Në fund të fundit, revolucioni është më i bukur kur e bëjnë të tjerët jashtë, apo jo? Urime Doktorit!
