Pas shumë diskutimeve dhe debateve që shkaktoi në media dhe në opinionin publik, ish kryeministri Sali Berisha nuk do të jetë më pjesë e grupit parlamentar të PD-së. Kreu i PD Lulzim Basha e njoftoi pak ditë më parë këtë vendim, duke shkaktuar për pasojë një “luftë të brendshme” në PD.
Partia Demokratike ka regjistruar sot në Kuvend 44 deputetë si pjesë të grupit të saj parlamentarë. 7 anëtarë nga lista e PD janë pjesë e grupit të PR, 7 të tjerë janë pjesë e listës së PDIU, që në total bëjnë 58 deputetë. Ndërkohë PD në zgjedhje mori 59 mandate.
