Autoritetet vendimmarrëse në
Berlin kanë propozar që së shpejti edhe gratë, njësoj si burrat, do të lejohen të shkojnë topless në pishinat publike të qytetit. Rregullat e reja të banjës u morën për shkak se një grua u ankua që nuk po lejohej të rrinte topless në një pishinë në kryeqytet.
Gruaja, identiteti i së cilës nuk u zbulua, i ishte drejtuar zyrës së “Ombudsperson’s” të senatit ku kërkonte trajtim të barabartë që edhe gratë, ashtu si burrat, të mund të notojnë topless. Në reagim ndaj ankesës Berliner Baederbetriebe, e cila drejton pishinat publike të qytetit, vendosi të ndryshojë rregullat, raporton AP.
“Zyra e Ombudspersonit e mirëpret vendimin e Baederbetriebe, sepse vendos të drejta të barabarta për të gjithë berlinezët, qofshin meshkuj, femra dhe krijon gjithashtu siguri ligjore për stafin në Baederbetriebe”, tha Doris Liebscher, shefi i zyrës së ombudspersonit.
Në të kaluarën, grave që ekspozonin gjoksin në pishinat e Berlinit u kërkohej të mbuloheshin ose të dilnin nga pishina, dhe ndonjëherë u ndalohej hyrja. “Tani është e rëndësishme që rregullorja të zbatohet në mënyrë konsistente dhe të mos të ketë më largime apo ndalime hyrjeje”, tha Liebscher.