Kërkimet po vazhdojnë për copat e një meteori që u rrëzua pranë Cairns, Australi, të shtunën mbrëma. Topi i zjarrit meteoroid, i cili lëshoi një nuancë neon-jeshile teksa shpërtheu nëpër atmosferë, ndriçoi qiellin dhe pas përplasjes trembi qytetarët.
Ngjarja e pabesueshme astronomike u kap nga një kamera sigurie në aeroportin e Cairns, me pamjet që u bënë virale.
“Ne dëshmuam një aktivitet mjaft të jashtëzakonshëm në qiellin tonë mbrëmë”, shkroi aeroporti në Facebook, ndërsa shpërndau videon që të lë pa frymë.
Shkëmbi besohet se ka rënë diku afër qytetit të vogël të Croydon, rreth 250 milje nga Cairns.
“Kam dëgjuar se njerëzit kanë ardhur për ta kërkuar atë. Duhet të ketë pjesë të saj të shpërndara diku. Gjetja e vendit do të ishte e vështirë, por unë në fakt do të doja të vendosja një helikopter dhe të bëja një fluturim rreth e rrotull”, tha kryetari i bashkisë së Croydon Shire, Trevor Pickering./NYP
