Situata e tensionuar mes Kosovës dhe Serbisë, solli një nxitim të kryeministrit Edi Rama në muajin qershor për të hartuar një draft që do ja u dërgonte më pas delegacionit europian për stabilizimin e situatës.
Në një dalje për mediat në atë kohë, kryeministri Rama e quajti konfidencial, duke e bërtitur me të madhe se plani franko-gjerman do të bazohej pikërisht në këtë draft.
Pak ditë më parë, në Bruksel ishin të pranishëm kryeministri i Kosovës Albin Kurti dhe presidenti i Serbisë Aleksandër Vuçiç, të cilët zhvilluan takimet ndarazi me Macron dhe Scholz.
Liderët europianë i kanë dhënë një draft Albin Kurtit, e që mediat pranë qeverisë me shpejtësi publikuan lajmin se është pikërisht drafi i Ramës ai që ka në duar kryeministri i Kosovës.
Por zëdhënësi i qeverisë së Kosovës Përparim Kryeziu, ka nxjerrë të vërtetën “lakuriq”, ashtu siç është.
Kryeziu teksa falenderon ato media që kërkuan një konfirmim mbi këtë dokument, mohon se propozimi që i është dorëzuar Kurtit në datën 21 tetor është drafti i Edi Ramës.
Pavarësisht përpjekjeve për tu shpallur hero në çdo lloj situate, edhe këtë herë, propaganda dhe maska e kryeministrit Rama ra. Shpëtimtari i situatës Kosovë-Serbi nuk është kryeministri shqiptar, por emisarët ndërkombëtarë, që po zhvillojnë takime të një pas njëshme, deri në normalizim të situatës dhe krijimit të komunave me shumicë serbe.
