Një zjarr ka përfshirë çatinë e një ndërtese në Spitalin e Specializuar të Lartë për Trajnim dhe Kërkim Koşuyolu, në lagjen Kartal të Stambollit, në anën aziatike të qytetit. Sipas mediave turke, flakët shpërthyen në çatinë e një ndërtese shtesë të spitalit, e cila ishte bosh në momentin e ngjarjes për shkak të punimeve të rinovimit.
Në vendngjarje mbërritën forcat zjarrfikëse, të cilat arritën të vinin nën kontroll flakët, ndërsa më pas nisën operacionet e ftohjes për të shmangur riaktivizimin e zjarrit. Si masë paraprake, 40 pacientë u evakuuan nga një ndërtesë fqinje e spitalit, për të garantuar sigurinë e tyre.
Guvernatori i Stambollit konfirmoi se nga incidenti nuk pati viktima. Pas përfundimit të situatës së rrezikut, pacientët u rikthyen në ndërtesën nga e cila ishin evakuuar. Ndërkohë, autoritetet kompetente kanë nisur hetimet për të përcaktuar shkaqet e zjarrit.
<iframe src=”https://www.facebook.com/plugins/video.php?height=476&href=https%3A%2F%2Fwww.facebook.com%2Freel%2F1597744352097520%2F&show_text=false&width=267&t=0″ width=”267″ height=”476″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share” allowFullScreen=”true”></iframe>
