Kosova për fat të keq ka një numër të frikshëm rastesh e vdekjesh prej koronavirusit.
Personat e infektuar kanë shkuar në 10.419 raste, ku 341 persona kanë humbur jetën.
Ndërkohë, 6.058 të tjerë janë shëruar për fat të mirë.
Por, numri i të vdekurve është shumë i madh për 1 milion banorë.
Zëdhënësi i Ministrisë së Shëndetësisë, Faik Hoti, ka paraqitur një grafik, ku tregon se ka 184 vdekje për 1 milion banorë.
Shifër më e lartë se në Gjermani, ku ka 110 vdekje për 1 milion banorë.
Më pak vdekje në një milion banorë se Kosova, ka edhe Portugalia e cila numëron 173 vdekje në një milion banorë, por duhet theksuar se Portugalia ka 10 milionë banorë kurse Kosova 1.8 milion banorë.
Shteti i cili ka më së shumti vdekje në një milion banorë, është Belgjika e cila prin me 851 vdekje nga COVID-19, shtet ky i cili ka më shumë se 11 milionë banorë.
Në shtetet e Ballkanit më së miri qëndron Kroacia me vetëm 39 vdekje në 1 milion banor.
Pas Kroacisë vijnë, Sllovenia me 62, Shqipëria me 70 vdekje, Serbia me 92, Mali i zi me 102, Bosnja dhe Hercegovina me 130 dhe Maqedonia e Veriut me më së shumti vdekje për një milion banor, gjithsej 253.
/Gazetaatdheu.com/
