Plot 108 raste të reja pozitive me koronavirus janë konfirmuar 24 orët e fundit në Shqipëri.
Në total, Ministria e Shëndetësisë informon se janë kryer 477 testime.
Lajm i keq është se pati edhe 3 humbje jete.
Ndërkohë, 60 qytetarë janë shëruar, duke e çuar në 2523 numrin e atyre që e kanë kaluar COVID-19.
Momentalisht, janë 1820 raste aktive me koronavirus në Shqipëri.
“Gjatë 24 orëve të fundit janë kryer 477 testime për të dyshuar të prekur me COVID19, nga të cilat janë konfirmuar 108 raste pozitive”, tha Genta Qirjako nga Instituti i Shëndetit Publik.
Shpërndarja gjeografike e rasteve është si vijon: 49 raste në Tiranë, nga 11 raste në Durrës, Kavajë, 9 në Fier, 7 në Shkodër, nga 3 raste në Krujë, Kurbin, Tropojë, Berat, Mallakastër, 2 në Peqin, nga 1 rast në Korçë, Vlorë, Tepelenë, Shijak.
Gjatë 24 orëve të fundit janë shëruar 60 qytetarë duke e çuar numrin e të shëruarve në 2523 që nga fillimi i epidemisë.
Ministria e Shëndetësisë dhe Mbrojtjes Sociale i rikujton të gjithë qytetarëve domosdoshmërinë për të zbatuar rregullat: Për vendosjen e maskës, ruajtjen e distancimit dhe higjienën vetjake dhe kolektive. Shmangni çdo lloj grumbullimi, pasi janë rrezik për përhapjen e infeksionit.
Nëse dyshoni se jeni i prekur ose keni shenja të sëmundjes duhet të qëndroni të izoluar dhe telefononi në numrin e Urgjencës Kombëtare 127.
Telefononi në linjën e gjelbër 0800 40 40 për t’u lidhur me mjekun tuaj të familjes, të cilët ndjekin të prekurit nga virusi SARS COV2 dhe kontaktet e tyre.
COVID-19 – Statistika (23 Korrik 2020)
Testime totale 37311
Raste pozitive 4466
Raste të shëruara 2523
Raste Aktive 1820
Humbje jete 123 (Qarku Tiranë 64, Shkodër 20, Durrës 17, Fier 6, Elbasan 5, Vlorë 4, Kukës 3, Lezhë 1, Berat 1, Dibër 1, Korçë 1)
Shpërndarja gjeografike e rasteve aktive sipas qarqeve:
Tiranë 941
Durrës 211
Shkodër 202
Vlorë 98
Lezhë 82
Korçë 64
Fier 52
Kukës 49
Elbasan 46
Berat 32
Gjirokastër 23
Dibër 20
/Gazetaatdheu.com/
