Plot 142 raste të reja me koronavirus janë regjistruar 24 orët në Kosovë.
Në total, u kryen 485 testime.
Shifrat u bënë të ditura nga drejtori i Institutit Kombëtar të Shëndetësisë Publike në Kosovë, Naser Ramadani.
Ai i deklaroi ato, gjatë një konference për media të mbajtur në Gjilan.
Ndërkohë, po gjatë 24 orëve të fundit u konfirmuan plot 101 raste të shëruara.
Me shifrat e fundit, numri total i rasteve pozitive shkon në 5,877.
Prej tyre, 139 pacientë kanë humbur jetën, ndërsa 3,069 janë shëruar.
Aktualisht, 240 pacientë me koronavirus janë duke u trajtuar në klinikat e Qendrës Klinike Universitare të Kosovës.
Po ashtu, edhe 324 në spitalet e përgjithshme.
/Gazetaatdheu.com/