Dokumentet e reja të publikuara nga dosja gjyqësore e Jeffrey Epstein-it kanë sjellë detaje shqetësuese për miliarderin Bill Gates, i cili dëshmoi për gati gjashtë orë para Komitetit të Mbikëqyrjes së Dhomës së Përfaqësuesve në Uashington. Në këtë dëshmi me dyer të mbyllura, Gates konfirmoi se Epstein kishte e kërcënuar ta shantazhonte pikërisht për shkak të lidhjeve të tij jashtëmartesore, të cilat ai i kishte dokumentuar me kujdes. Ky shantazh lidhej me një lidhje që Gates ka pasur me një grua ruse, e cila ishte objekt i interesit të Epstein-it për të siguruar ndikim mbi të. Qëllimi i Epstein-it ishte të përdorte këtë informacion të ndjeshëm për të ushtruar trysni ndaj themeluesit të Microsoft-it, duke e kthyer privatësinë e tij në një armë.
Sipas dosjes dhe dëshmisë së tij para Kongresit, Gates dhe Epstein kanë pasur një marrëdhënie miqësore fillimisht, por kjo e fundit ka qenë e mbushur me kurthe dhe interesa të fshehta. Gjatë një darke, Epstein i ka thënë hapur Gates-it se e dinte për pabesinë e tij dhe se do ta bënte publike nëse ai nuk bashkëpunonte me të në disa projekte. Ky shantazh erdhi pikërisht në një periudhë kur Gates po divorcohej nga Melinda Gates, duke e vendosur atë në një pozitë jashtëzakonisht të vështirë para opinionit publik dhe familjes së tij. Gates e ka përshkruar këtë ndodhi si një kohë të tmerrshme, ku Epstein tregoi fytyrën e tij të vërtetë të manipulatorit që nuk ngurronte të godiste nën rrip, duke i thënë ligjvënësve se Epstein “konsideronte shantazhin” ndaj tij.
Në reagimin e tij publik dhe privat, Gates ka pranuar se takimet me Epstein-in ishin një gabim i madh gjykimi, por ai mohon çdo komplot apo përfshirje në skemat e tij kriminale. Ai thekson se nuk ka pasur kurrë marrëdhënie biznesi me të, por fakti që u fut në atë rreth e kishte vënë në shënjestër të një rrjeti që mblidhte sekrete për njerëzit e fuqishëm. Këto dokumente hedhin dritë mbi metodën e Epstein-it, i cili mblidhte sekrete të njerëzve të fuqishëm për t’i kontrolluar ata. Por dosja konfirmon frikën e madhe të Gates-it se ishulli privat i Epstein-it ishte strehë e krimit. Shantazhi ishte arma e tij kryesore kundër kastës botërore.
