Në Bristol, Britani e Madhe, aty ku ishte statuja e tregtarit të skllevërve Edward Colston, e rrëzuar në 7 qershor, është shfaqur statuja e një demonstrueseje të lëvizjes antiraciste ‘Black Lives Matter’.
Për të krijuar dhe vendosur portretin e Jen Reid — një aktiviste e bërë e njohur nga mediat pas rrëzimit të statujës të Colston, ishte artisti dhe skulptori Marc Quinn.
Monumenti i titullar “A Surge of Power (Jen Reid)” u vendos të mërkurën në mëngjes, pa dijeninë e Këshillit të Qytetit Bristol.
Quinn deklaroi se ishte Reid që “krijoi skulpturën kur qëndroi në këmbë dhe ngriti krahun. Tani duam ta kristalizojmë atë imazh”.
Jen Reid, e cila ishte në prezantimin e statujës në mëngjes, i tha ‘Guardian’ se ishte “thjesht e mahnitshme”.
Autoritetet lokale pretendojnë se çdo vendim për të zëvendësuar statujën e Colston do të merret “në mënyrë demokratike”.
Statuja u rrëzua nga protestuesit gjatë protestave për vrasjen e afro-amerikanit George Floyd në Minneapolis.
Colston ishte një tregtar skllevërish i shekullit të 17-të dhe anëtar i Partisë Konservatore.
/GazetaAtdheu.com/
