Sektori i blegtorisë në vendin tonë prej kohësh po përballet me sfida. Sipas një njoftimi që ka shpërndarë në rrjete sociale “Blegtoret Prodhues të Qumështit” ditën e nesërme ata do të ngrihen në protestë në orën 12:00 tek rreth rrotullimi i Savrës në Lushnje.
Ulja e çmimit të qumështit në mënyrë drastike prish konkurrencën dhe shkatërron tregun e lirë. Sipas tyre qumështi i importit po e “mbyt” Shqipërinë dhe paguhet më shtrenjtë sesa qumështi i fermerit. Disa fermerë prej një jave nuk dorëzojnë qumështin e tyre nëpër fabrika pasi nuk kanë renë dakord me çmimin dhe po e derdhin nëpër kanale.
Njoftimi i plotë nga shoqata “Blegtorët Prodhues te Qumështit”:
ERDHI DITA..
NESËR E HËNË DT 8/4 ORA 12:00 PROTESTË TEK RRETH RROTULLIMI I SAVRËS NË LUSHNJE.
Është bërë njoftimi i uljes së çmimit te qumështit në mënyrë drastike nga përpunuesit e qumështit, të gjithë ata së bashku në të njëjtën kohe me të njëjtin çmim.
Kjo prish konkurrencën dhe shkatërron tregun e lirë dhe ne si shoqatë nuk mund të pajtohemi.
Qumështi i importit po mbyt Shqipërinë dhe paguhet më shtrenjtë se qumështi i fermerit vendas, por përpunuesit nuk duan t’ia dijnë.
Për 34 vjet blegtoria është një sektor i keqtrajtuar nga përpunuesit dhe nga vet shteti, duke mos i kushtuar vëmendjen e duhur ndër vite.
Por djem dhe vajza të rinj që janë kthyer nga emigracioni dhe bankat e shkollës duke investuar në blegtori për një të ardhme më të mirë janë njerëz që përqafojnë teknologjinë dhe inovacionin për fermat e tyre, dhe njëkohësisht e kuptojnë më së miri shtypjen që po iu behet.
Disa fermerë prej një javë nuk dorëzojnë qumështin e tyre nëpër fabrika pasi nuk kanë rënë dakord me çmimin dhe mënyrën se si janë trajtuar për këtë mosdakordësi. Qumështi i tyre po derdhet nëpër kanale.
TURPI I MADH DHE POSHTËRIMI QË PO I’U BEHET KËTYRE FERMERËVE KËRKON PËRGJIGJE URGJENTE.
TË BËHEMI BASHKË PËR TË ARDHMEN TONË DHE TË FEMIJËVE TANË
Ju Mirëpresim!
