Një ngjarje rëndë që mund të përfundonte në tragjedi ka ndodhur në një hotel në autostradën Tiranë-Durrës.Më konkretisht mësohet se një 32 vjeçar ka qëlluar me pistoletë një 23 vjeçare në ambientet e një hoteli dhe më pas është arratisur. Autori i sulmit është identifikuar si shtetasi Fatbardh Doda.
Njoftimi i policisë Durrës:
Në autostradën Durrës-Tiranë, rreth orës 09:20, në ambientet e një hoteli, në rrethana ende të paqarta, shtetasi F.D, 32 vjeç, banues në Sukth, dyshohet se ka plagosur me armë zjarri pistoletë shtetasen E.K, 23 vjeçe, banuese në Durrës, e cila ndodhet në spital, jashtë rrezikut për jetën.
Shërbimet e Policisë pas marrjes së njoftimit menjëherë kanë shkuar në vendngjarje dhe po krehin zonën me qëllim kapjen e autorit. Në bashkëpunim me DVP Tiranë dhe Fier janë ngritur pika kontrolli në rrugët nacionale.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e rrethanave të ngjarjes.
