Gjykata e Tiranës vendosi këtë të martë arrest me burg për Gleard Gusholli, 31-vjeçari i cili mbajti peng në banesë dhe dhunoi bashkëjetuesen e tij 28 vjeçare.
Avokati i Gushollit kërkon ta shfajësojë të riun për këtë ngjarje duke pretenduar se i mbrojturi prej tij prej gjashtë muajsh përdorte antidepresantë.
Sipas tij, për këtë shkak nuk ka qenë tërësisht i ndërgjegjshëm në veprimet e tij. Mbrojtësi arsyeton gjithashtu se edhe vajza e ka dhunuar Gushollin nën efektin e lëndëve narkotike.
28-vjeçarja ka shpjeguar për policinë se nën kërcënim e shantazh është detyruar edhe të konsumojë lëndë narkotike, pasi nuk kishte rrugëdalje.
E reja tha se Gusholli ka tentuar ta vrasë, ndërsa vetë ajo për t’i shpëtuar dhunës ka te tentuar edhe vetëvrasjen. E reja e cila punonte si infermiere në Gjermani braktisi jetën e saj atje dhe nisi bashkëjetesën me 31-vjeçarin, i cili sipas saj e dhunonte sistematikisht.
Aktualisht vajza ka lënë spitalin e Traumës dhe është rikthyer pranë të afërmve të saj.
