Aktori islandez, Hafthor Bjornsson, i njohur në filmin ‘Game of Thrones’ ku luante rolin e Ser Gregor, ka vendosur një rekord të ri, duke ngritur një shtangë që peshonte 501 kilogramë.
Dy sekonda ishte koha që Bjornsson mbajti në ajër shtangën, por i mjaftoi për të thyer rekordin prej 500 kilogramësh që mbahej nga Eddie Hall. Në vitin 2016, britaniku ngriti gjysmë toni, por tashmë ky rekord i takon 31-vjeçarit nga Islanda.
Dy vite më parë, islandezi që peshon 205 kilogramë dhe është i gajtë 2.05 metra, fitoi konkursin si ‘njeriu më i fortë në botë’. Rekordi i ri u regjistrua në palestrën e Bjornsson, që menaxhohet prej tij dhe bashkëshortes së tij, e cila është instruktore për ngritjen e peshave.
Bjornsson tha: “Unë jam shumë krenar dhe jashtëzakonisht i lumtur.
Është e shkëlqyeshme – nuk ka asgjë më të mirë sesa t’i provosh njerëzve që e kanë gabim. Shumë njerëz nuk besuan tek unë, aq shumë njerëz që thanë,” 501 kg nuk do të ngrihet kurrë “… Por unë gjithashtu kam pasur shumë mbështetje”.
Ai shtoi: “Ndihem i shëndetshëm, ndihem mirë. Unë jam thjesht absolutisht pa fjalë, edhe pse tani po flas shumë. Por unë jam i ngazëllyer, kjo do të thotë shumë për mua”.
