Zhvillime pozitive në Itali për sa i përket koronavirusit.
Italia vijon me hapa të ngadaltë drejt “shërimit” nga pandemia e koronavirusit, e cila e goditi rëndë vendin fqinj, ku mijëra persona humbën jetën, ndërsa qindra mijëra të tjerë u infektuan.
Emergjenca Civile raportuan për herë të parë sot një bilanc që mund të krahasohet me fazat e para të nisjes së pandemisë së virusit me origjinë nga Kina.
Sipas të dhënave zyrtare, 8 persona humbën jetën nga Covid-19 në 24 orë ndërsa të infektuarit e rinj janë 175, pjesa më e madhe e të cilëve ndodhen sërish në Lombardi.
Për herë të parë, të shtruarit në terapinë intensive ranë nën 100, ndërsa personat aktivë me koronavirus janë në shifrat 16 mijë.
/Gazetaatdheu.com/
